|
SubscriptionsSites I Read
|
|
|
|
| 終於來到留在香港既最後幾天了, 真的覺得時間過得很快...咁又3星期了...快樂時光總是過得特別快......不過今次將會係我最後一次既離開......其實我既假期係未完既, 只不過下星期1/4開始就會展開我既首個4天BAGPACK TRIP, 呢幾日都響度尋找當地D相關資料~~預定要用幾多錢, 時間點樣分配等等......有少少緊張, 驚去到會遇到自己搞唔掂難題, 希望唔好啦.......畢竟第一次自己一個人ON居居遊覽第個從未去過既國家...... 呢幾日都係出街為多......早排在觀塘見過嘉健, 同佢HIGH TEA暢談, 前日同KENNETH在皇室堡RED BOX唱K, 又狂唱D經典歌~~ 昨日專登坐左九記70, 將會係最後一次坐呢條線......因為5月後有九成機會會被取消.......一條歷史悠久來往佐敦同上水橫跨九龍市區: 油麻地, 九龍塘, 新界東: 沙田, 大埔, 太和同粉嶺既流水路線, 一條很正既牛河平價線, 一條單向有無數個報站既線......始終敵不過運輸處既打壓......因為有太多代替路線, 除了港鐵東鐵線, 出九龍既沙田既81和81C, 大埔既特快線271, 上水既特快線270A, 還有穿梭新界東新市鎮既72A, 73和73A......不過我始終覺得70有佢獨特既價值......豈碼有D人會識坐70都唔識坐270A, 佢可以叫做執雞線, 執下D其他脫左班路線既客, 冇左70, 沙田區去北區剩得73A一條巴士線LU......73A仲要只係服務第一城同火炭既客......果日晚上就同PAUL和THEW哥去左九龍灣食類似英國酒吧既野, 叫RUBY TUESDAY......一份三層牛肉漢堡, 一份洋蔥圈, 一份沙津, 一份英式叉燒, 每人一杯特色飲品, 極之飽......不過每人盛惠兩舊......呵...雖然好好食, 但真係好耐一次先無所謂~~ 今日拿番阿妹D野俾ALICE同ELSON, 同佢地傾左好耐計, 哈~估唔到佢地送左樣禮物俾我~好有心~多謝哂~^^ 明日將會去拜山, 後日就SAYONANA咯...... | | |
| 今日成智來了探我地~~咁都係去番去開果間酒樓飲茶~之後佢提議去踩單車, 都係一個新鮮而又幾好既提議~我仲以為又係好似以前咁去唱一個TEA K而已添......加上今日天氣很好, 整日陽光燦爛也很和暖~真的有點像已踏入夏天的階段~本來想叫埋彥菜出黎踩, 不過估唔到平時好動既佢唔識踩單車同游水......大跌眼鏡......咁我同向裕同佢就入左沙田, 第一次租沙田公園近瀝源橋果檔單車舖既車, 成半年冇踩過車了, 也好耐冇在假日踩車, 今日真係多人到飛起......我地沿城河東再過番橋入大埔, 吐露港果段又係例牌多人, 有D窄既路段要就位, 唔係好多地方可以踩得快, 成日都要爬人頭先可以叫做快少少......慢少少後面班人又有時剎唔切掣撞到或炒埋一碟, 今日在路上已見到4-5單炒埋一碟事件......最後我地踩到去大埔墟街市, 上左去食左個粉當下午茶先踩返沙田~~不過今次事後又唔覺很累同''發軟蹄"~~晚上又係一切食埋飯佢先返去~~ 不過每次成智黎到無論食咩都要同我爸媽爭請客, 因為佢覺得唔好意思好似黎痴餐咁, 加上冇乜請過我屋企食野, 不過每次都係我屋企勝......我屋企就話大家都係自己人唔駛計較咁話~~我爸媽真的非常客氣, 我地同佢出去玩既時候佢就會請番我地, 不過每次我阿媽都會塞張金牛俾我叫我出去玩就用果張金牛俾錢, 唔好要成智俾錢......每次我都是做左磨心, 我又細過成智, 又唔係爸媽既性格......雖然話去飲飲食食去玩時都會話我阿媽俾左錢我不如用果D錢算數......但成智每次都是叫我地收番埋俾番阿媽......我又唔會好似爸媽咁響度爭咁樣衰......返到屋企時就廢事茶煲就話都同過成智爭俾錢但爭唔勝佢, 咁先搞得掂, 否則阿媽又響度嘈嘛......不過這些事通通也使我想起中五時學既"請客"......呢D都唔知係中國人既美德定係惡習了...... | | |
| 我部LAPTOP終於有屬於佢既書抬......我阿媽早排買左兩張新書抬, 一張新書抬係代替舊有用左十幾年既電腦抬, 另一張就係俾我放我既LAPTOP......咁家下我屋企總共三部電腦都各有自己既書抬, 也變相多左幾格空位放雜物, 不過書房空間唔係好大, 我就覺得如果三個人同時用電腦時, 就會感到有點擠迫......家下向裕用開部電腦在我隔黎, 而我張書抬後面就係另一張書抬, 如果有人用我後面果台電腦時就真係要就位啦...... 所以今日真係搞到頭暈死......一早就要準備執屋, 執番整齊我間房既野, 因為有D會放響新既書櫃上, 唔覺唔覺執左好多唔等駛既野出黎......以前懶執求其把果D野PAT埋一邊積沙成塔......可知我有時係幾"LAU較"@@......今日拿出來有D我都爭D唔記得左係咩野黎既......不過使我找回兩本AS同A2時寫既日記, 之前都講過未寫XANGA前我曾經寫過自己收藏既日記既, 我又情不自禁地翻開來看......又記起很多使人回味既往事....PAUL, THEW哥, LEO, TONY, 軍佬, CHRISTINE, ALINA, 隊長, ANSON...ETC....現在睇番果時既文筆同發生過既事都使我笑左......之後又要抹個新櫃, 電腦同拖下塊地板, 最後插番電掣, 放好電腦和書本文件同整理D亂七八糟既電線, 以為就此解決......點知阿媽話因為某些原因我同向裕張抬最好調位....唉...當堂慣低......又要移動兩張書抬和拆同裝番D電掣......最後最茶煲就係要整理D電線, 成鬼日打哂KICK......所以家下都覺有點累...... | | |
| 今日下午傻下傻下走去灣仔搵阿貓CATHERINE......都冇見佢差唔多成兩年了...好記得上次見佢係同米粉和薯躉在旺角唱K, 果時佢仲係癲癲得得咁...其實響二月時有天佢突然MSN同我傾, 佢好日都唔ONLINE, 真係好難預測下次佢ONLINE既時間......佢同我講佢家下響灣仔某DELIFRANCE番工, 佢話今個月尾會轉工去坑口做鴻福堂做SALES MANAGER, 因為嫌DELIFRANCE人工低~~雖然圍內既人唔係好鐘意佢, 佢之前做過既野響人心目中被扣哂分, 不過我總是覺得佢同鐘慧盈同阿敏果D比有D唔同, 好過果兩隻野一D~~佢家下真實係點我就唔清楚啦, 不過我覺得我AT LEAST還可以當佢係好普通果隻朋友既, 得閒吹兩句嘴果種, 唔駛搞到反哂面咁, 加上我同佢都冇咩拖欠和仇口~今日見到佢真係好似見到"小儀"一樣 XDD......我見佢咁勤力做到踢哂腳咁都有D唔好意思阻佢, 不過佢放左工之後係咪另一個樣就唔知啦......都係問下佢近況果D, 佢同我講野既談吐都有D唔同左, 正經左, 雖然還有些唔正經玩下野, 不過都覺得變好左D, 也感到有點安慰~~最後留左20分鐘左右我就離開了~~ | | |
| 成日都覺得1月同2月對我來講都唔好, 一來天氣凍到HIHI, 二來常常碰上唔好既事, 到左家下3月, 我覺得唔好既事開始離我而去, 跟某人既關係好番, 我覺得感情仲比之前進左一步添, 我一定會好好珍惜佢, 因為佢係我最重視既人之一, 畢竟我地經歷左咁多事身經百戰來到今天, 真是很難得和不容易~加上開始放假, 呢個假期比上次輕鬆D, 上次因為放完假有考試同功課迫住交, 但今次D功課同考試5月先黎, 可叫做暫時鬆一口氣先~所以近排我心情開始好番, 可叫做無憾了~~最美麗的三月天...... 今日坐左新記既新歐四ENVIRO500 TRIDENT (5503)@112, 感覺新鮮~~原來佢落車門設計跟九記以前既ENVIRO500都有D唔同左, 係跟ASU (SCANIA K310UD)既開門方式一樣, 歐四ENVIRO500 TRIDENT既引擎聲跟VOLVO B9既有些相似~~同KENNETH去左旺角食毓民牛肉麵, 哈, 其實都係因為聽得毓民響網上電台鬧人多, 加上有好多人去食過話好食所以慕名而來的~牛肉麵真係幾好食, 湯底唔肥膩, 牛肉爽口, 加入埋紅蘿蔔, 唔好就係嫌佢俾D牛肉少得滯, 麻麻地抵食~~之後坐81入沙田行左陣, 又行左中央公園同新城市, 感覺舒服自在~~ 4月初會實行我史上第一個BAGPACK TRIP(唔計以前所謂既DAYTRIP), 會去丹麥同瑞典共4天, 自己去旅行自己搵地方住, 心情有點興奮又緊張~~ 今日成日打噴嚏, 我唔係惹左流感番黎呀嘛?!...... | | |
|
